رواية يمكن بحبك الفصل الأول 1 بقلم منة عز
رواية يمكن بحبك الجزء الأول
رواية يمكن بحبك البارت الأول
رواية يمكن بحبك الحلقة الأولى
_الو
= مش بتردي على الواتس ليه؟؟!
_ حاضر ي حبيبي هفتح اشوف
قفلت المكالمة وفتحت اشوف لقيت باعتلي رسايل كتير جدا ومتصل كتير! هنتخانق يالهوي!
رديت بسرعة
_ اسفه والله مكنتش فاتحه
= كنتي بتعملي اي؟؟
_ مكنتش بعمل حاجه بس ممسكتش الفون وانت عارف اني بعمله صامت
= طيب طمنيني عاملة اي دلوقتي؟؟
اي داا؟؟ متخانقش؟؟ مزعقليش؟؟؟ في حاجه غريبة!! مش طبيعته!!!
_ انا الحمدلله كويسة
= عايز اشوفك
_ طيب احنا بالليل! بكرا نتقابل
= وانا قولت عايز اشوفك؟؟
اه كدا هو كويس
_ طيب نتكلم فيديو كول؟؟
……
_ ماماا ياا ماامتيي
= خيير
_ حددتوا الخطوبة امتى؟
= يا سبحان الله !! انتي كويسة يابنتي ؟؟ سبحان مغير الأحوال بقا انتي بتسألي !!
_ في اي ياماما خلاص مش عايزة اعرف
= يوم الجمعة الجاية، هتلبسي اي بقا؟؟
_ طيب هدخل انا اوضتي بقاا شكر الله سعيكم لحد كدا
دخلت اوضتي وقعدت على السرير بفكر، ألبس اي؟ حاجة ملفته عشان ألفت نظره؟ بس مبحبش حد يبصلي! فتحت التليفون اللي كان مفتوح على صفحته عالفيس وكل تفكيري انه ازاي حلو كدا؟ ازاي قادر يخطف قلبي من اول نظرة؟ انا اول مرة أحس بالشعور دا! يا ترى ليه كان بيبصلي كدا؟
__________
عدى أيام لحد ما وصلنا يوم الخطوبة، كنت لابسه فستان لونه فاتح ومُبهج وواسع، حطيت ميكب خفيف ولفيت حجابي ، وبقيت قعدة محرجة، ازاي اخرج قدامهم كدا؟؟ فضلت قعدة لحد ما صحابي وصلو ودخلولي، و بدال ما انا اللي اخدهم واقف معاهم، خدوني هما وكنت انا اللي عاملة زي الغريبة وسط أهلي
مكنتش مركزة في اي حاجة غير اني عايزة الاقيه! بين كل دول لازم اشوفه!!
ومفيش لحظات الا ولقيته واقف في ركن وماسك تليفونه رافعه ناحيتي كأنه بيصور! عيني جت في عينه وانا مصدومه، اي دا!؟؟؟ هو بيعمل اي!؟؟ اكيد مش بيصورني انا صح؟؟
بصلي ببرود وانا لسه مصدومه، وفجأه ابتسم!! ابتسامته حلوة اوي!!
نزلت عيني بسرعه و سيبت صحابي ورحت أبعد ركن في المكان وقعدت فيه مخبية نفسي عشان ميشوفنيش تاني
بعد شوية لقيت فاطمة *اخته* جت ووقفت جنبي وقعدت تتكلم معايا، دي طيبة اوي! من النوع اللي انا ارتاحله واعرف اتكلم معاه! حبيتها جدا وهزرنا شوية، لحد ما لقيته شاورلها من بعيد فهي استئذنت وقامت
في آخر الليلة والكل بيتصور،
جت فاطمة وقالتلي “ما تيجي اصورك؟؟ “
ابتسمت بخجل وقولتلها “مبحبش اتصور والله”
قالتلي بعفوية ” ليه بس دا انتي زي العسل!! تعالي بس اصورك ” وقبل ما ارد عليها نادت ل زين اللي كان واقف جنبها اصلا
كان في نوع من النظرات المُبهمه ما بينهم حاولت افهم بس مقدرتش
قالتله ” ما تيجي اصورك مع ريم؟؟ تعالو تعالو هصوركم صورة حلوة مع بعض “
انا اعصابي سابت! نعم؟ اتصور مع مين؟؟ لا مش ممكن! حقيقي مش ممكن مش هقدر لأ!!
لسه بيرفع تليفونة عشان نتصور، صحبتي نادتلي،
ابتسمتلهم بتوتر وقولت ” انا اسفه بعد اذنكم ثواني “
لمحته بسرعة قبل ما امشي لقيت نظرته ليا كلها ضيق!
بس كانت فرصة مناسبة اني اهرب وأكيد مش هضيعها!!
اليوم خلص، بس مشاعري الوليدة اتجاهه بتزيد! تفكيري اللي بقا معظمه هو وعن قد اي هو شخص غريب مفراقش بالي
حكيت لأصحابي الاتنين وعرفتهم، وقتها اقترحوا عليا فكرة، كانت السبب في مشاكل كتير
_اعمل اي؟؟ عايزة أفهم ليه كان بيبصلي كدا؟؟ وهو فعلا كان عايز يتصور معايا ولا تهيؤات!!
= تهيؤات اي يابنتي بس انتي مشوفتيش كان بيبصلك ازاي!!
~ اه والله دا كان سرحان فيكي خالص!
= ما تكلميه يا ريم؟؟
_ هه؟؟ اكلمه؟؟ انتو عارفين انه حرام نكلم اولاد!
~ وهو دا غريب!! دا أخو خطيب اختك! مش بتشوفي كل الناس بيبقو عاملين ازاي؟؟ عادي يابنتي!!
= اه والله متخافيش، انتي اعملي أكونت فيس بإسم غريب وندخل نكلمه، اي رأيك؟
_ لأ لأ انا خايفة اوي!! مش هقدر!!
~يابنتي متخفيش!!
= ومن امتى وانتي مش خايفة؟ طول عمرك بتخافي اي الجديد!! بقولك اي!! هتعملي اللي بنقولك عليه لو عايزة تعرفي هو ناوي على اي و صدقيني مش هتندمي!
_ طب خلاص نجرب! بس لو حصل حاجه هقول انتو السبب!!
~خلاص ماشي ومتخفيش مفيش حاجه هتحصل خير خير
…….
=ريم ياا ريم! اصحي تليفونك بيرن ومش ظاهر مين!!
قومت مفزوعة بسرعه
_ هه؟ تليفوني؟؟ وريني كدا يا ماما
فتحت التليفون لقيته باعتلي رسايل ومتصل يجي 8 مرات
= اي يابنتي مين بيرن عالصبح كدا!
_ دي نور صحبتي ياماما، كانت قايلة هتجيلي عشان نخرج شوية
فتحت رديت عليه وانا متضايقة
_ في اي؟
= حد يقول في اي كدا؟؟ مش تقولي صباح الخير الاول؟
_ صباح النور ي حبيبي ، في اي بقا؟
= هتخرجي انهاردة فين؟
_ هنروح نتمشى شوية بدال الخنقه اللي الواحد فيها دي
= خنقة ؟؟
_صحبتي جت.. سلام
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يمكن بحبك)
تعليق واحد